Friday, February 19, 2010

magak-tagak nodi komoyon do tulun Dusun ladjong(original)

Asanangan oku daa manahak do pomusarahan it nunu otimbabaan dati do baino. Nunu it tokito ku, muri-kuru nodi komoyon do tulun Dusun ladjong/original*. soira nopo kumuri iti tulun miagal diti, nga tumagak nodi boros-boros om nogi tinungkusan di odu-aki tokou. Amu nodi orongou dati it nunu komoyon do "tangon gulu-gulu", "sundait", "tala'ala", "linding", "sisindiron" om ogumu poh ii wokon. Osorou ku nopo yoho di pogulu poh, ii maso ku poh tanak-anak. Asaru ii molohing ku monunud-sunud/tangon soira oku modop. Om soira nopo mongomot do parai tidong, ogumu tomod o sundait dit orongou ku tuh mogisundait gia it komolohingan. Om osorou ku nogi ii gulu poh tangaanak mogi al-ala do tala'ala/pantun. Aramai tomod soira kokito tangaanak mogiala-ala. Nga baino aiso nodi tokito ku miagal diti. Nokuro matu miagal diti? isai i maan pasalao? molohing matu tu amu doilo tudukan ii tanganak diolo? yoho sondiri amu koilo.

Baino winonsoi ku ti blog

baino diti, winonsoi ku ti blog it amu kosongkuro. Gulu poh kopio boros Dusun diti pakayon ku diti nga Dusun Kota Belud/tindal. mulong piah Dusun tindal nga ogumu kopisuaian mulong piah misampaping kampung. Haro nopo kopisuaian dit boros dokoyu nga siou nopo. Haro nopo it amu orotian nga kada koikum-ikum do moguhot.pounsikou!!